Este domingo vinte de maio Bóveda (Lugo) volve correr pola solidariedade. Celebrarase a undécima edición da Carreira Solidaria Río Mao, cun percorrido de 7,4 quilómetros na categoría adulta, con saída e meta na área recreativa Muíño do Xil. Tamén haberá carreiras en categorías alevín, infantil, cadetes, pitufos, prebenxamín, benxamín, xuvenil, sénior a, sénior b, veteráns a e veteráns b. A primeira das carreiras comeza ás once da mañá e a carreira adulta comeza ás doce e cuarto do mediodía.

Os dorsais poderán recollerse entre as dez da mañá do mesmo domingo vinte de maio até  media hora antes de cada saída. O prazo de inscrición rematou este xoves.

Ao remate, celebrarase unha pancetada de balde.

Foto da organización.