O piloto lucense de motocross Jorge Prado é o novo líder do Mundial de motocross en categoría MX2, segundo nivel do motocross, despois de gañar en Loket, República Checa. É a súa sétima vitoria da temporada. Con este triunfo, convértese no primeiro clasificado da xeral con 595 puntos, 11 máis que o segundo, o letón Pauls Jonass. Jorge Prado recibiu a praca vermella que o designa como líder do Mundial. Prado e Jonass son compañeiros no mesmo equipo: Red Bull KTM Factory Racing.

En declaracións aos medios oficiais do Mundial de MX2, o piloto lucense, de 17 anos, afirmou que “soñaba con acadar algo así”, amosouse “moi contento” e engadiu que “estaba desexando” esta situación. Calificou de “complicado” este fin de semana.