O equipo alevín do Club de Patinaxe Lóstregos Lucus regresou á casa cun terceiro posto na clasificación da Liga Nacional Ouro, un triunfo máis logo de proclamarse campións galegos na tempada pasada.
O pasado fin de semana, xogaron a fase de ascenso á Liga Elite alevín da Real Federación Nacional de Patinaxe na modalidade de hóckey liña. Despois de quedar primeiros na clasificación nacional, enfrontaríanse a outros dous equipos para definir a súa colocación na Clasificación definitiva.
O Club Pati Vila-Real e o Tucans Asme foron os seus rivais. Quedaron en terceiro lugar, pero con gran sabor de boca. “É o segundo ano que o equipo se presenta a esta competición e é o único equipo galego en conseguir chegar a este posto. Foi un ano cheo de emocións”, resaltan dende o Lóstregos Lucus. “Non podemos estar máis orgullosos”.
