Óscar Manuel Gilsanz González, primeiro adestrador do Racing Club Villalbés, comunicou “a súa decisión de non continuar” no equipo chairego, que compite en Terceira División, segundo confirmou o propio club lucense.
Gilsanz, de 45 anos, fichou en 2014 polo Villalbés procedente do Betanzos C.F. Na tempada pasada, o equipo rematou en terceira posición chegando ás semifinais polo ascenso á Segunda División B.
O Racing Club Villalbés “agradece enormemente” o seu “traballo, adicación, seriedade, profesionalidade e compromiso sobradamente demostrado” e engade que deixou “pegada” como “persoa” e “adestrador”. O club, na nota de prensa, diríxise ao xa ex adestrador calificándoo de “amigo”.
