InicioDeportesJavi López é o novo adestrador de C.D. Lugo

Javi López é o novo adestrador de C.D. Lugo

PUBLICADA O

- Advertisement -

Javi López é o novo adestrador de Club Deportivo Lugo para a súa sétima tempada consecutiva en La Liga 1|2|3. Francisco Javier López Castro firma até o 30 de xuño de 2020. 

Javi López, nado en Barcelona vai 54 anos, actualmente traballaba como adxunto á dirección deportiva do Real Sporting de Gijón con Miguel Torrecilla, ex R.C. Celta de Vigo, ao fronte. Previamente, a súa última experiencia como adestrador foi no Real Club Celta de Vigo B na tempada 2014-2015 en Segunda División B durante 17 xornadas con 4 vitorias, 3 empates e 10 derrotas . A campaña previa, adestrou ao Girona F.C. en Segunda División durante 11 xornadas.

No campionato 2010-2011, a súa última tempada completa nun banquillo, rematou en oitava posición de Segunda División co Xerez Club Deportivo. Por aquel entón, Emilio Viqueira, actual director deportivo do Lugo, era o director deportivo do Xerez.

En Segunda División, foi adestrador do Girona F.C. (2013-2014), F.C. Cartagena (2011-2012), Recreativo de Huelva (2009-2010), Deportivo Alavés (2008-2009), Gimnàstic de Tarragona (2007-2008) e a extinta U.D. Salamanca (2006-2007).

Acadou o ascenso a Segunda coa U.D. Salamanca en 2006.

Como futbolista, cómpre subliñar a súas catro tempadas no Villarreal C.F. (1992-1996), ademáis dunha campaña en Galicia no Rácing de Ferrol (1996-1997). Xogaba de central.

O adestrador será presentado o martes 19 de xuño a partir das 12 do mediodía no estadio Ángel Carro.

 

ÚLTIMAS

Carlos Blanco será o pregoeiro da XXIX Festa do Queixo de San Simón

Vilalba acolle esta fin de semana unha nova edición, e xa van vinte e...

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...