A Asociación de Clubes de Baloncesto (ACB) comunicou que o Club Baloncesto Breogán presentou “toda a documentación e abonado tódalas cantidades requeridas para facer efectivo o seu ingreso” na vindeira Liga ACB.

Entre esa documentación cómpre subliñar a auditoría de contas, un orzamento superior a dous millóns de euros e a composición do órgano de administración da sociedade, segundo lembra a ACB nun comunicado.

A Asemblea Xeral Ordinaria, a celebrar en xullo, deberá ratificar a súa inscripción e, nese intre, pasará a ser club ACB a tódolos efectos. O Bàsquet Manresa está na mesma situación, segundo informou a ACB.

Por outra banda, o Breogán comunicou que xa superaron o 40 % de renovacións na campaña de abonados.

Foto de cbbreogan.com