InicioEconomíaO Craega recibe o XIX Premio Aresa por mudar "nun dos motores...

O Craega recibe o XIX Premio Aresa por mudar “nun dos motores do rural”

O Consello Regulador da Agricultura Ecolóxica de Galicia mereceu o galardón creado por Aresa en colaboración coa Universidade de Santiago de Compostela

PUBLICADA O

- Advertisement -

Xornal de Lemos | O Consello Regulador da Agricultura Ecolóxica de Galicia (Craega) foi o galardoado do Premio Aresa de Desenvolvemento Rural 2018 pola posta en marcha dun proxecto multisectorial e o seu papel na expansión da agricultura ecolóxica. O certame, que acadou a décimo novena edición, foi creado no 2000 por esta empresa con base en Lugo, Rábade e Begonte en colaboración coa universidade compostelá para premiar á persoa ou entidade que teña contribuído dun xeito especial á mellora do rural galego.

Ademais do Craega, o resto de candidatos ao XIX Premio Aresa eran Asoporcel, Galo Celta, Atelier Bisqato, a Asociación de Desenvolvemento Rural Mariñas-Betanzos, o Consello Regulador da Denominación de Orixe Protexida DOP Cebreiro, Miceltia, o Sistema de deshidratación alimentado por enerxía solar para produtos agroalimentarios, a Cátedra do pan e do cereal e o Proxecto H2GZ Raising Water Para e Por Galicia.

O xurado contou co reitor da USC, Antonio López Díaz, a vicerreitora de Coordinación do Campus de Lugo, Montserrat Valcárcel Armesto, o exdirector xeral de Agricultura da Comisión Europea, José Manuel Silva Rodríguez, o director xeral de Capsa Food, José Armando Tellado Nogueira –a través de videoconferencia-, e o presidente de Aresa, Álvaro Rodríguez Eiras. Este tribunal reuniuse o xoves para avaliar as dez candidaturas presentadas, dando a coñecer o nome do galardoado nunha conferencia de prensa celebrada no vicerreitorado do Campus de Lugo.

Unanimidade no xurado

USC

A candidatura do Craega foi escollida por unanimidade por cumprir con todos os requisitos do Premio, sendo José Manuel Silva Rodríguez, exdirector xeral de Agricultura da Comisión Europea, o que salientara as tres razón principais que decantaron o seu pronunciamento: “Facer que a agricultura ecolóxica sexa un dos motores do desenvolvemento rural, cunha especial resposta á demanda de consumo en Galicia, defender un proxecto de control e regulación da produción de maneira multisectorial, e lograr que a agricultura ecolóxica sexa unha das causas principais para a maior implantación de mozos no mundo rural e agrario”.

O reitor da USC, Antonio López, recoñeceu a calidade do resto de propostas presentadas e convocou aos presentes para a gala do 8 de marzo no Auditorio da Facultade de Veterinaria de Lugo. Alí terán lugar os honores oportunos ao Craega, acto no que recibirá tamén o diploma e os 10.000 euros cos que está dotado o premio.

ÚLTIMAS

O PP de Lugo acusa ó goberno local de “improvisación” e “falta de xestión” na regularización de terrazas

O PP de Lugo acusou este sábado ao goberno local de "improvisación" e "falta...

Falece un home de 62 anos tras chocar o seu vehículo contra unha árbore en Abadín

Un home de 62 anos faleceu á primeira hora deste sábado nun accidente de...

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...