InicioMedioambiente e PatrimonioO tesouro áureo de Lugo, por fin reunido e exposto no Museo...

O tesouro áureo de Lugo, por fin reunido e exposto no Museo Provincial

A sala de ourivaría antiga alberga 56 pezas, algunhas delas conservadas dende o III milenio a.C., nun espazo reacondicionado no que salienta o torques de Burela

PUBLICADA O

- Advertisement -

O Museo Provincial de Lugo expón xa o seu tesoro máis prezado. A nova sala de ourivaría antiga acolle 56 pezas, a maioría de ouro, situadas cronoloxicamente entre o terceiro milenio antes da nosa era e o século VI d.C.. Logo da adquisición de varios lotes da colección Álvaro Gil, a renovación do espazo permitiu non só a redistribución estes bens segundo tipoloxía, cronoloxía e orixe, tamén a mellora da accesibilidade e a información.

Esta sala oitava do centro foi reformada para ofrecer un espazo dinámico, que favorece a percepción didáctica e contextualizadora da colección, parte da sección de Arqueoloxía. Nun dos fondos salientouse unha peza concreta pola súa singularidade, o torques de Burela, o máis grande atopado na Península Ibérica. O entorno conta con novas medidas de seguridade.

Amais da protección, os 22.000 euros investidos na renovación permitiron instalar nova cartelería e panelería, puntos en braile, accesibilidade para persoas con diversidade funcional e paneis de vídeo interactivos. Son en total 56 pezas de ourivaría: torques, colares, brazaletes, pulseiras, tortas áureas, aneis, aramios, e a característica figura dun carneiro alado.

A directora do Museo Provincial de Lugo, Aurelia Balseiro | Óscar Bernárdez
A directora do Museo Provincial de Lugo, Aurelia Balseiro | Óscar Bernárdez

A colección irmanda os fondos propios do Museo Provincial co tesouro áureo adquirido da colección Álvaro Gil, declarada Ben de Interese Cultural en 2015, e que por tanto ostenta a máxima protección patrimonial segundo a lexislación galega. Corenta novas pezas foron engadidas previa compra de cinco lotes anuais, acordada cos heredeiros, por un importe de 2,3 millóns de euros.

Darío Campos, Lara Méndez e outros cargos institucionais no Museo Provincial de Lugo / Deputación de Lugo

O presidente da Deputación, Darío Campos, adiantou que no que vai de ano visitaron as exposicións e os fondos do Museo Provincial máis de 25.000 persoas. “A cultura está máis viva ca nunca –proclamou– e nós, como demostramos aquí, apostamos por ela”. A rexedora de Lugo, Lara Méndez, celebrou a conservación destes elementos así como o labor da directora do centro, Aurelia Balseiro.

A alcaldesa, Lara Méndez, e a subdelegada do Goberno en Lugo, Isabel Rodríguez López | Óscar Bernárdez
A alcaldesa, Lara Méndez, e a subdelegada do Goberno en Lugo, Isabel Rodríguez López | Óscar Bernárdez

A alcaldesa aproveitou para celebrar a importancia das mulleres na representación institucional do acto, canda a subdelegada do Goberno en Lugo, Isabel Rodríguez López, a vicerreitora do Campus Terra, Montserrat Valcárcel, e a deputada de Cultura, Pilar García Porto, amais da propia directora do Museo Provincial.

ÚLTIMAS

Coñece navegando o corazón da Ribeira Sacra

Os canóns do Sil son un dos monumentos naturais máis impresiontantes de Galicia. Son...

Terá Lugo nova estación de tren e autovía a Santiago en 2025?

O ministro de Transportes e Mobilidade Sustentable, Óscar Puente, garantiu este venres en Lugo que...

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...