InicioCulturaA Deputación prepara unha liña de axudas para paliar o impacto da...

A Deputación prepara unha liña de axudas para paliar o impacto da crise nas librarías

A área de Cultura mantivo reunións coa Federación de Librarías de Galicia e coa Asociación de Libreiros de Lugo co fin de coñecer de primeira man as dificultades do sector do libro e editorial.

PUBLICADA O

- Advertisement -

A área de Cultura da Deputación de Lugo está a traballar para implementar medidas que permitan “paliar o impacto da crise da COVID-19 nas librarías e no sector editorial”, segundo informou a vicepresidenta da institución provincial, a nacionalista Maite Ferreiro, quen lamentou que hoxe se celebre, precisamente, o Día do Libro con todos os establecementos pechados.

Para deseñar esas medidas e coñecer de primeira man a situación das librerías que tiveron que pechar as súas portas a causa do estado de alarma, a área de Cultura mantivo nos últimos días reunións con representantes da Federación de Librarías de Galicia e da Asociación de Libreiros de Lugo.

Tras coñecer as impresións dos propios afectados e tomar nota das súas propostas, Ferreiro acaba de avanzar a intención da área de Cultura de “crear unha liña de axudas” específica para contribuír a reactivar este sector. “Na medida das nosas posibilidades, contribuiremos a que cando se relaxe o confinamento e se recupere certa normalidade, as librerías continúen coa súa actividade”, dixo Ferreiro.

De feito, precisou que a actividade das librerías “vai moito máis alá da venda de libros, porque son auténticos focos de cultura e sustentan un sector que involucra a moitos outros colectivos”.

ÚLTIMAS

Pasará a disposición xudicial o profesor do CEIP Albeiros por presunto abuso a menores

O profesor do CEIP Albeiros de Lugo detido na xornada do mércores pola Policía Nacional investigado...

Ulloa Viva acusa a Rueda de “falta de respecto” aos participantes na manifestación contra Altri

A Plataforma Ulloa Viva tacha de "falta de respecto" cara aos asistentes á manifestación...

Hael Docampo, emprendedora que apostou pola gandería en Castroverde

Segundo sabemos, esta moza era máis de animais que de gando, pero co tempo...

Denuncian o estado ruinoso dunha ponte medieval, paso de peregrinos

Alertados por uns veciños, dende o Colectivo Patrimonio dos Ancares acaban de comunicar á...