InicioCulturaA Xunta quere facer do cuartel de San Fernando un parador e...

A Xunta quere facer do cuartel de San Fernando un parador e non o Museo da Romanización

Ao conselleiro de Cultura non lle gustan os museos da cidade e aposta "por unha reestruturación da oferta museística da cidade".

PUBLICADA O

- Advertisement -

O conselleiro de Cultura, Román Rodríguez, trasladou á plataforma cidadá que apoia que o Museo da Romanización de Galicia se emprace sobre o vello cuartel de San Fernando en Lugo, que dita instalación se leve ao Museo Interactivo da Historia (MIHL) para converter o cuartel nun parador.

Esta proposta enmárcase dentro do que se denominou como ‘Proxecto Integral para ou impulso do turismo cultural en Lugo‘, que tamén contempla que o futuro Museo de Arte Contemporánea de Galicia se sitúe sobre as ruínas do Pazo de Dona Urraca, no céntrico barrio da Tineria.

Rodríguez explicou este mércores en Lugo que a formulación pasa “por unha reestruturación da oferta museística da cidade“. “Entendemos que hai un equipamento cultural moi potente que é o MIHL que está infrautilizado (sobre 4500 visitas o pasado ano e a uns sete minutos do Cuartel de San Fernando) e podería ser un elemento importantísimo para a posta en marcha dunha oferta museística que dinamice a cidade“, sinalou.

“E ese uso vinculado ao museo da romanización, ese museo funcionaría acorde aos novos principios da lei de Museos que se vai a aprobar en breve, funcionaría en rede e en perspectiva integral con outros equipamentos museísticos da cidade e da contorna próxima para dar unha oferta global; pensemos no Castro de Viladonga, en Bóveda ou noutros equipamentos e tamén no propio cuartel de San Fernando chamado a ter unha parte expositiva”, concretou.

En canto ao cuartel, alí quérese situar, “despois de facer un estudo de viabilidade, un parador, pero un parador non é só un hotel senón un espazo aberto ao público, moi vinculado en ocasións ás actividades expositivas e sería unha especie de parador museo”, comentou.

O investimento para isto último ascendería a dez millóns de euros, comprometéndose a Xunta a achegar o cincuenta por cento do total desta consignación. Segundo comentou, ese parador ofrecería un servizo “de 45 habitacións, máis de cen prazas, tres salóns, un restaurante e un salón de xantares”. “En cifras expomos unha rehabilitación ao redor de 4000 mil metros cadrados”, estimou.

Agora todo estes proxectos trasladaranse ao Concello de Lugo, despois de advertir o conselleiro que por parte da plataforma, que integran veciños e comerciantes, a idea fora acollida de forma “positiva”.

ÚLTIMAS

Amancio Prada volve a Lugo 16 anos depois

Amancio Prada volve a Lugo 16 anos despois do seu último concerto nesta cidade....

Piden a absolución dun mozo de Vilalba acusado de violar á súa ex parella menor de idade

A sección segunda da Audiencia Provincial de Lugo acolleu este martes a celebración do...

Unha certificación turística permitirá protexer o ceo nocturno dos Ancares

O deputado de Medio Ambiente, Carlos López, recibiu este luns na Casa do Concello...

O TS confirma que Ana Sandamil matou a súa filla para danar a súa ex parella e pai da nena

O Tribunal Supremo (TS) confirmou a condena de prisión permanente revisable a Ana Sandamil polo asasinato,...