InicioMovementos sociaisA RAG discutirá a candidatura do meirego Avelino Díaz ás Letras Galegas

A RAG discutirá a candidatura do meirego Avelino Díaz ás Letras Galegas

A Asociación Avelino Díaz recolleu sinaturas ao longo dos últimos meses e acadou un total de 2.421 firmas para apoiar a candidatura do poeta, nado na Órrea (Riotorto) e criado en Meira. Agora é preciso o apoio de tres académicos da RAG

PUBLICADA O

- Advertisement -

Ramón González Rey | Representantes da Asociación Avelino Díaz presentaron hoxe na sede da Real Academia Galega (RAG) unha solicitude para que o poeta do mesmo nome sexa incluído como candidato ao Día das Letras Galegas 2019. A agrupación recolleu sinaturas ao longo dos últimos meses e acadou un total de 2.421 firmas para apoiar a candidatura do vate, nado na Órrea (Riotorto) e criado en Meira.

Aínda que tamén apañou votos fóra dos dous municipios, o colectivo destaca o apoio veciñal á petición, dado que os concellos de Riotorto e Meira teñen en conxunto un total de 2.966 habitantes. Ademais, 51 empresas e entidadesrespaldaron a proposta.

A solicitude que entregou a asociación inclúe dous dossieres que documentan o apoio veciñal á candidatura de Avelino Díaz e tamén unha carta a cada un dos académicos da RAG.

o colectivo evitará “contactos persoais” cos tres académicos esixidos para validar a petición

O regulamento da RAG para elixir aos candidatos recolle que as candidaturas deben ser apoiadas e razoadas por un mínimo de tres académicos. O plenario da institución elixirá ao persoeiro homenaxeado na primeira xuntanza despois do Día das Letras Galegas, celebrado o pasado 17 de maio.

Por mor da experiencia dun par de tentativas anteriores, no 2016 e 2017, a directiva da asociación tomou a decisión de “evitar os contactos persoais” cos académicos para convencelos de que presenten a candidatura de Avelino Díaz. Por iso dirixiron unha misiva a cada un dos membros da RAG, coa intención de que o apoio popular e a obra do poeta falen por si sós e sexan os mellores argumentos para presentar a candidatura.

Paco Veiga, presidente da asociación, lamenta que é “moito máis doado promover para este tipo de recoñecementos a exiliados que a emigrantes que marcharon por necesidade”. E resalta que acadar o Día das Letras Galegas para Avelino Díaz axudaría a dar a coñecer a súa obra. “Axudaríanos a buscar os 851 poemas que el deixou referenciados e que non sabemos onde están”, explica.

VIDA E OBRA

Avelino Díaz naceu en Santa Comba da Órrea no 1897, pero pasou boa parte da súa nenez en Meira. Logo emigrou a Bos Aires, onde exerceu o xornalismo. Na capital arxentina formou parte da Federación de Sociedades Galegas. Publicou catro volumes de poesía e, segundo o colectivo que pretende reivindicar a súa figura, 851 poemas da súa autoría fican inéditos. ‘Debezos’, obra de 1947, está considerado o primeiro poemario en galego da posguerra.

ÚLTIMAS

O Arde lucus xa está aquí, as lexións romanas tomaron a cidade

Preto de chegar ás 21,00 horas na ponte romana da cidade, dun lado estaban,...

Investigado un traballador do Concello de Lugo por presuntos abusos sexuais

Un traballador social do Concello de Lugo atópase actualmente investigado como presunto autor dun...

O loteiro lucense detido polo atraco ao seu propio negocio queda en liberdade

O loteiro lucense detido o martes pola súa presunta implicación no atraco perpetrado contra a súa propia...

O Concello adianta dúas horas o peche das discotecas, ás 4,00 horas

O goberno municipal de Lugo adiantou dúas horas, das 6,00 ás 4,00 horas, o...