InicioSociedadeA Deputación de Lugo garante o servizo da residencia da Fonsagrada

A Deputación de Lugo garante o servizo da residencia da Fonsagrada

A institución provincial sostén que o BNG da Fonsagrada debería ser máis responsable e "non crear alarma nos cidadáns"

PUBLICADA O

- Advertisement -

A Deputación de Lugo saíu este luns ao paso dun boletín impreso difundido polo BNG sobre a situación da residencia da Fonsagrada para asegurar que se manterá “con total normalidade o servizo e funcionamento da residencia”, que está a prestar unha excelente atención aos usuarios e as súas familias”, así como constatan eles mesmos, ademais de xerar emprego e actividade económica no concello.

Nun comunicado, o ente provincial lembra que un procedemento xudicial orixinado fai máis de seis anos (983/2016) no Xulgado de Primeira Instancia número 1 de Lugo pola vía civil, deu lugar a unha sentenza deste tribunal, ratificada pola Audiencia de Lugo na que se determina a existencia dun problema de medicións no momento da construción entre o edificio da residencia e o dunha vivenda anexa.

A sentenza está en fase de execución (227/2022), que se segue no propio xulgado de primeira instancia. Nesta fase, a institución xa emitiu os informes técnicos, xurídicos e sociais que acreditan a imposibilidade de executar a sentenza nos termos contemplados. A Deputación expropiou xa o edificio do que xurdía a obrigación de retranquear o inmoble da residencia, polo que a parcela e a vivenda pasan a ser propiedade da institución provincial e serán incorporadas aos equipamentos dotacionais do propio centro de maiores.

Así as cousas, a institución provincial sostén que o BNG da Fonsagrada debería ser máis responsable e “non crear alarma nos cidadáns”, porque “non todo vale en política e, menos, cando se trata de asuntos tan sensibles como os servizos de atención ás persoas maiores”.

Desta maneira, a Deputación de Lugo “lamenta profundamente a manipulación que se trata de facer dunha situación que se vai a solucionar e que, en ningún caso, dará lugar á demolición”, pide “máis rigor” e ofrece “tranquilidade” aos usuarios, familiares e conxunto dos veciños.

ÚLTIMAS

Convocarán un concurso de ideas para desenvolver a contorna do Pazo de Dona Urraca

A Xunta continúa dando pasos para "seguir reactivando" o barrio da Tinería, no centro...

Detidas tres persoas dun clan familiar dedicado a venda de cocaína en Lugo

A Policía Nacional detivo a dous homes e a unha muller vinculadas a un clan familiar que se...

Reunión entre Rueda e Tomé para fixar un grupo de traballo sobre transferencia de diferentes estradas

O presidente da Xunta de Galicia, Alfonso Rueda, e o líder da Deputación Provincial...