InicioEconomíaRemata na Fonsagrada a renovación da vía de Carballido a Vega de...

Remata na Fonsagrada a renovación da vía de Carballido a Vega de Logares

A Deputación investiu 270.000 euros en recuperar o firme e mellorar a drenaxe unha estrada vital para a actividade gandeira da Fonsagrada

PUBLICADA O

- Advertisement -

A práctica totalidade da vía entre Carballido e Vega de Logares está xa rehabilitada. Este luns, as máximas autoridades da Deputación de Lugo visitaron esta estrada da Fonsagrada, renovada dende o punto quilométrico 0 ata o 9,2 con 270.000 euros a cargo do ente provincial. A LU-P-1909 resulta fundamental para as explotacións gandeiras da Montaña e, por tanto, para fixar a poboación nesta zona limítrofe con Asturias.

Os derradeiros traballos foron supervisados este luns polo presidente da Deputación, Darío Campos, e o vicepresidente desta administración e rexedor da Fonsagrada, Argelio Fernández Queipo. “É unha estrada moi importante xa que da acceso a unha zona moi gandeira, unha zona que ten futuro”, explicou Campos. “Queremos ser unha Deputación próxima ás persoas e ao rural –continuou o presidente provincial–, vertebrando as vías de comunicación e axudando a manter a poboación nunha das zonas máis gandeiras da Fonsagrada, beneficiando aos numerosos núcleos de poboación do Concello”.

Sobre as obras de aglomeración en quente neste lugar de difícil acceso, Fernández Queipo informou de que a intervención incorpora unha canalización de auga en distintos puntos, drenaxe que contribuirá á conservación futura da estrada. “A LU-P-1909 pasa por distintos núcleos de poboación, son zonas da montaña que deben dotarse de infraestruturas acordes as súas necesidades, e ese é o propósito da Deputación”, precisou o vicepresidente e alcalde da Fonsagrada.

As actuacións nesta estrada, que comunica o núcleo de Carballido a Vega de Logares, beneficiarán aos núcleos de poboación situados entre ambos os dous puntos, como Graña, Llacín, Dradas, Louteiro e Llan. As melloras rematarán a vindeira semana, e consisten na renovación do firme, mellorando a capa de rodadura con aglomerado en quente, limpeza de cunetas e melloras na canalización, incremento da sinalización horizontal e vertical e, polo tanto, aumento da seguridade viaria nesta vía provincial.

ÚLTIMAS

Un condutor borracho e drogado foxe tras ter un accidente e choca contra seis coches aparcados na rúa das Fontes

Un condutor ebrio foi interceptado pola Policía Local tras fuxir dun accidente e chocar contra seis...

O PP pide ao Goberno que “amplíe prazos e orzamentos” para a rehabilitación dos barrios da Milagrosa e Feijóo con fondos europeos

A presidenta provincial do PP de Lugo, Elena Candia, e a deputada lucense no...

Detida unha muller por violencia doméstica ao agredir ao seu home e a outra muller

Unha muller foi detida en Lugo acusada dun delito no ámbito familiar e de lesións por...

Detidos tres veciños de Vilalba acusados de vender pezas de coches por Internet e non remitilas aos seus compradores

A Garda Civil detivo a tres veciños do municipio lucense de Vilalba acusados de vender pezas...