Volve a neve e regresan as complicacións nas estradas lucenses. A Dirección Xeral de Tráfico marca neste venres o nivel amarelo na vía LU-633 que atravesa o Cebreiro ata chegar ao núcleo de Pedrafita. Por mor da neve, os vehículos articulados e camións teñen prohibida a circulación.
A mesma información do GaliciaConfidencial indica que, ademais das complicacións no termo municipal de Pedrafita do Cebreiro, a DXT recomenda transitar con precaución na A-8 ao paso polo alto do Fiouco, en Mondoñedo. Isto débese á presenza de néboa entre os quilómetros 536 e 552, con visibilidade reducida.
