InicioMedioambiente e PatrimonioO 'quilómetro cero' de Galicia, en Antas de Ulla, busca ser declarado...

O ‘quilómetro cero’ de Galicia, en Antas de Ulla, busca ser declarado Ben de Interese Cultural

O Instituto de Estudos Ulloáns (IEU) solicitou á Xunta a declaración do Centro Xeográfico de Galicia como BIC, logo de que un informe do IGN determinara que o epicentro do país se localizaba nunha carballeira da parroquia de San Fiz de Amarante.

PUBLICADA O

- Advertisement -

O Instituto Geográfico Nacional (IGN) poñía fin, hai uns meses, ao vello debate respecto de onde se sitúa o epicentro de Galicia. Nin Lalín, nin Chantada. Un informe técnico concluía que o verdadeiro centro xeográfico deste país se atopa na aldea de Nugallás (San Fiz de Amarante – Antas de Ulla). Dita noticia fora recibida con gusto polos integrantes do Instituto de Estudos Ulloáns (IEU), que agora veñen de solicitar á Xunta de Galicia a declaración deste punto como Ben de Interese Cultural.

O colectivo trasladou a solicitude ao Goberno autonómico neste luns 24 de febreiro, ao tempo que pedía a intervención neste enclave por parte do Concello de Antas de Ulla e da Deputación. Para o IEU, este recoñecemento había axudar aínda máis a poñer en valor a riqueza das carballeiras da contorna. 

De feito, fora esta asociación a que instara ao IGN a levar a cabo tal investigación para determinar o punto exacto do Centro Xeográfico de Galicia. As conclusións déranse a coñecer nos meses de novembro e decembro pero, agora, o IEU elaborou outro informe sobre a protección e adquisición da parcela na que se sitúa este enclave. Envioullo ás correspondentes administracións para que tomen cartas no asunto.

PROMOCIÓN

Segundo explica o presidente do colectivo, Francisco Pardo, os pasos a seguir a partir de agora encamíñanse cara á divulgación deste Centro Xeográfico nos centros educativos de toda Galicia.


O ‘quilómetro cero’ de Galicia sitúase nunha carballeira de Antas de Ulla

ÚLTIMAS

Morre un home tras ser rescatado inconsciente dun río en Chantada

Un home faleceu na tarde deste martes tras ser rescatado inconsciente no embarcadoiro de...

Así quedou restaurado o mural de Lugo por Palestina tras ser atacado

"O pasado domingo 14 rematouse de pintar un mural en apoio a Palestina e...

Dous homes investigados por pescar troitas con electricidade no río Rodil

A Garda Civil investiga a un veciño da Fonsagrada, de 72 anos, e a...

Detidos dous veciños de Lugo acusados de roubar 200 quilos de cobre nunha empresa

A Garda Civil detivo en Vilalba a dous veciños de Lugo acusados de roubar 200 quilos...