InicioCulturaLugoXornal, o espazo para a información da contorna de Lugo e O...

LugoXornal, o espazo para a información da contorna de Lugo e O Bierzo

O Día das Letras trae a Lugo o nacemento dun novo xornal dixital en galego para as comarcas do centro da provincia e o Bierzo

PUBLICADA O

- Advertisement -

O Día das Letras Galegas trae un gran presente para Lugo. Trátase de LugoXornal, o primeiro gran xornal dixital en galego da zona central da provincia de Lugo. Centrado na capital, abordará a actualidade política, económica, cultural, deportiva e social de todas as comarcas do centro da provincia. Prestará especial atención aos movementos sociais, ao medio ambiente e ao patrimonio, e tentará tamén dar voz aos pequenos concellos das comarcas da Fonsagrada, A Ulloa, Ancares, Meira e Terra Chá.

Amais, será o primeiro medio en internet desde a época do precursor Vieiros en informar en galego sobre o que acontece nas zonas galegofalantes do Bierzo, un espazo cultural, social e económico que sempre vencellado coa provincia de Lugo.

Por outra banda, este novo medio informará do resto da provincia grazas ás novas que lle achegarán os outros dous medios irmáns que tamén nacen neste Día das Letras Galegas: Xornal da Mariña, que informará sobre as comarcas do norte de Lugo e do Eo, e Xornal de Lemos, que informará da zona sur da provincia.

Asociación con outros medios

LugoXornal tamén estará asociado a GaliciaConfidencial, o principal medio dixital en galego e un dos máis importantes no panorama mediático de Galicia, que lle dará soporte informativo, comercial e técnico. Todos estes medios contan cun acordo para intercambiar información e publicidade.

Este novo medio de información conta cos xornalistas Óscar Bernárdez Pérez, na área de información política, cultural e social e de Millán Gómez Pérez, na área de Deportes. Tamén colaboran Ramón González Rey, Pilar Vázquez Prieto, Vanesa Gómez Lourido, Xurxo Salgado, Alberto Quián e Moncho Mariño.

Calquera cidadán ou entidade que precise informar e ter espazo neste xornal poderá escribir a redaccion@lugoxornal.com. Contamos coa participación de todos para devolver á axenda os asuntos das comarcas lucenses e o Bierzo.

ÚLTIMAS

A Deputación de Lugo aproba a entrega do novo polígono industrial de Cospeito e a ampliación dos hortos urbanos do río Rato

A Xunta de Goberno da Deputación anunciou este venres a aprobación do "último paso administrativo"...

A asociación Lugo Monumental pide que non se afesten servizos públicos do centro, como a Comisaría

A asociación Lugo Monumental dirixiuse ao Concello, á subdelegación do Goberno e ao Ministerio...

A irmá da muller asasinada en 2016 polo “mal funcionamento” da Casa da Muller de Lugo recorrerá ao TSXG

Martina Gómez Nieto, irmá da muller asasinada polo seu esposo no municipio de Becerreá...

Investigan a un menor de 14 anos que conducía un coche sen carné en Vilalba

Un menor de 14 anos foi interceptado en Vilalba conducindo un cuadriciclo lixeiro sen permiso...