A asociación querEndo volve a solicitar unidades específicas de endometriose no Hospital Universitario Lucus Augusti, nun contexto de desbordamento dos servizos de Xinecoloxía en toda Galicia. O centro lucense e o compostelán son os únicos que seguen a carecer de consultas específicas para as mulleres con esta doenza, que deben compartir sistema coas que carecen de patoloxías, redundando en aumentos nas listas de espera.
Dende o colectivo sinalan que as mulleres que sofren endometriose –aproximadamente, unha de cada dez– “vense abocadas a compartir os mesmos tempos de espera” con aquelas que realizan consultas de control, empregando o mesmo circuíto e recibindo atención dos mesmos profesionais. Por iso, en querEndo esixen unha unidade multidisciplinar en Galicia para tratar esta doenza, consultas específicas no HULA, e un plan de choque en Xinecoloxía para acurtar as listas de espera, que derivan en peores seguimentos e prognósticos.
A endometriose, a descoñecida que afecta a unha de cada dez mulleres
