Un novo incendio forestal declarouse nas últimas horas no municipio lucense de Cospeito, concretamente na parroquia de Xermar. Pasadas as 20.40 horas, deuse por estabilizado.
Segundo informou Medio Rural, o incendio orixinouse ao redor das 16.00 horas e rolda o cinco hectáreas queimadas. Aínda que non o dan por confirmado, non descartan que se trate dun incendio intencionado, posto que apareceron varios focos simultáneos ao redor da LU-1706, que chegou mesmo a estar cortada no tramo afectado.
Para a súa extinción mobilizáronse tres axentes, 12 brigadas, catro motobombas, unha pa, un técnico, seis helicópteros e dous avións.
