Dous equipos do CIFP Politécnico de Lugo quedaron en primeiro e segundo posto na competición Silver Piston SMC España 2026, competición organizada pola multinacional xaponesa SMC na que participaron 28 equipos con alumnado de Formación Profesional de toda España. O terceiro premio correspondeu a un equipo do colexio Salesianos Carabanchel, de Madrid.
O dominador absoluto foi o CIFP Politécnico de Lugo. Os gañadores foron os alumnos Carlos Fernández Rodríguez e Andrés Díaz López, que acudiron acompañados polo seu profesor Juan Mendoza Villanueva. E a segunda posición correspondeu a un equipo do mesmo centro, formado por Carla Ares Díaz e Samuel José Méndez Pérez, xunto coa súa profesora Ana Pérez Vázquez.
Os premios, valorados en máis de 18.000 €, destínanse a equipamento e ferramentas didácticas para os centros formativos gañadores. Ao acto asistiron a deputada foral de Desenvolvemento Económico e Innovación, Saray Zárate; xunto co director foral de Desenvolvemento Económico e Innovación, Ander Larrinaga; ademais de Sergio Panizo, manager de SMC International Training.
