- Advertisement -
O presidente da Deputación de Lugo, José Tomé, reclamou a participación de Lugo no caso de que se acabe levando a cabo a descentralización da docencia do grao de Medicina. En declaracións antes do pleno ordinario de novembro, Tomé destacou que Lugo conta con especialistas “sobradamente formados” para a docencia. “Por tanto, en Lugo tamén se pode dar, na medida en que se dea noutros sitios, unha parte do grao de Medicina“, asegurou. “Se se descentraliza, que sexa para todos os sitios, tamén para Lugo, non só Vigo e Coruña. Lugo tamén”, concluíu.
