Un total de 118 condutores foron denunciados en Lugo por superar a velocidade permitida, segundo o parte de incidencias da Policía Local relativo aos últimos días. Entre os delitos contra a seguridade viaria, deuse o alto a un condutor, na glorieta das Mercedes que presentaba signos de conducir baixo os efectos do alcol e que arroxou un resultado positivo de 0,71 miligramos/litro. Outro condutor foi interceptado tamén na rúa Miguel de Cervantes, dando no seu caso un resultado de 0,72 mg/l.
En ambos os casos inmobilizáronse os coches e abríronse actuacións para un xuízo rápido. A estas sumáronse outras administrativas tamén por conducir baixo os efectos do alcol ou por facelo baixo o consumo de drogas.
En canto aos controis de velocidade, principalmente en vías do centro urbano, controlouse a un total de 1.343 vehículos, con 118 condutores denunciados. A velocidade máxima captada foi de 101 e 103 quilómetros por hora en vías con velocidade limitada a 50 quilómetros por hora.
