A Policía Local de Lugo detivo na madrugada do martes aos dous membros dunha parella por agredirse mutuamente nunha vivenda situada ao norte da cidade. Segundo informa o corpo municipal, os axentes acudiron ao domicilio no que, ao parecer, estaba a producirse unha discusión. Os axentes que chegaron de inmediato entrevistáronse coa muller, que lles relatou que discutira coa súa parella e, tras un forcejeo, sufrira negrones nos brazos e tiña un hematoma na fronte.
Ademais, o home foi identificado e contou que, no transcurso da discusión, a muller mordéralle unha orella e propinado varios golpes. El tamén recoñeceu que lle deu unha puñada na fronte “para defenderse”. Por estes feitos, a Policía Local procedeu á detención de ambos, que foron trasladados a un centro médico para recibir asistencia sanitaria e, posteriormente, a dependencias policiais, onde se instrúen dilixencias.
