Unha moza sufriu unha agresión na vía pública en Lugo, tras a cal foi asistida e trasladada en ambulancia, cun forte golpe na zona cervical. Segundo informou a Policía Local nun comunicado, axentes de paisano escoitaron berros de auxilios procedentes de Rúa Nova e, unha vez alí, observárona no chan rodeada por un grupo de persoas. Estas indicáronlles que acababa de ser agredida por un grupo de catro mulleres, que fuxiron despois. De inmediato, os axentes iniciaron a persecución e lograron localizar ás agresoras no Carril das Estantigas e á cuarta na Avenida da Coruña, grazas á coordinación con outras unidades policiais.
