A Fundación Reina Sofía anunciou que realizará, en colaboración coa Xunta e a dirección da Reserva da Biosfera Ribeira Sacra, Serras do Oribio e do Courel, un novo proxecto de restauración forestal na Serra do Courel, situada na provincia de Lugo. Esta é unha das áreas de maior riqueza ecolóxica do noroeste peninsular e que foi afectada os incendios forestais de 2022. Así, o proxecto centrarase na recuperación do bosque autóctono.
Este anuncio enmárcase na visita deste venres da raíña emérita á Ribeira Sacra e ao municipio ourensán de Castro Caldelas, onde coñeceu o castelo, percorreu as rúas e visitou a Igrexa da nosa Señora dos Remedios. Esta iniciativa que desenvolverán e que reafirma cunha acción concreta o compromiso da Fundación Reina Sofía coa conservación do patrimonio ambiental, histórico e cultural, contribuirá á rexeneración dunha contorna de alto valor ecolóxico e simbólico.
