Lugo acollerá en 2026 a Asemblea Nacional da Asociación Española de Festas e Recreacións Históricas (AEFRH), o principal encontro anual do sector, no que participan 56 festividades de toda España. Segundo explicou o Concello nun comunicado, a designación fíxose pública ao finalizar a asemblea deste ano, que se celebrou en Xinzo de Limia.A reunión desenvolverase os días 17 e 18 de abril do próximo ano, coincidindo co ano de celebración do 25 aniversario do Arde Lucus. O concelleiro de Xuventude, Jorge Bustos, valorou o anuncio como “un novo impulso” para continuar coa mellora da calidade da festa e a súa proxección exterior, sempre desde o respecto á súa orixe e ao traballo colectivo que a fixo posible.