Un incendio rexistrado na noite deste pasado luns calcinou case por completo unha granxa de pavos situada na localidade lucense do Corgo. En concreto, segundo informa o 112 Galicia, foi un particular o que alertou sobre as 22.20 horas, indicando que estaba a arder unha granxa na zona de Campelo. Pouco despois, os propietarios da nave avisaban de que non había persoas feridas.
Tampouco houbo que lamentar perdas animais, xa que os pavos foran trasladados esa mesma tarde. De inmediato, pediuse a intervención dos Bombeiros de Sarria e da Garda Civil, que contaron coa colaboración dos efectivos do distrito forestal da zona e dos Bombeiros de Lugo.
Tras varias horas, foi pasadas as 01.15 horas da madrugada cando se logrou apagar as chamas por completo. O incendio calcinou as instalacións, duns 50 metros de longo, case por completo.
