Un home resultou ferido este luns tras verse implicado nun accidente de tráfico no municipio lucense de Becerréa. Segundo informou o 112, o accidente tivo lugar ao redor das 13.50 horas, un camión de madeira chocou contra un turismo. Foi o propio condutor do camión o que deu a voz de alarma e indicou que o copiloto do outro vehículo estaba ferido. Finalmente, tivo que ser excarcerado.
Debido á aparatosidade do suceso, formáronse longas retencións na vía afectada, ao redor do quilómetro 459 da A-6 sentido Madrid. No operativo participaron Urxencias Sanitarias, a Garda Civil de Tráfico, os Bombeiros de Sarria e dispositivos de mantemento de estradas.
