A previsión ofrecida no GaliciaConfidencial confirma o predominio do tempo estable e os ceos pouco nubrados ou despexados, salvo en zonas de néboa. Como informa Meteogalicia, permanecerá en influencia anticiclónica, aínda que unha fronte moi pouco activa chegará polo terzo norte. Así, agárdanse ceos alternando nubes e claros en xeral, quedando máis cubertos no norte das provincias de Lugo e A Coruña, onde mesmo podería rexistrarse algún orballo. Volverán a formarse xeadas e néboas en puntos do interior.

Resto da Península

No entanto, estará nubrado no Cantábrico oriental e norte de Navarra, aumentando a nebulosidade durante o día no resto do extremo norte peninsular, con algunhas choivas a partir da tarde no País Vasco, norte de Navarra e Pireneos, onde a cota de neve estará arredor dos 1100-1300 metros. É previsible a aparición de nubes baixas no extremo sueste peninsular e Baleares.

Haberá brétemas e probabilidade de néboas matinais en zonas de Castela e León, alto Ebro, e interior sueste e nordés peninsulares. As temperaturas diúrnas irán en ascenso no Cantábrico e contorna do alto e medio Ebro e do Sistema Ibérico e rexistraranse poucos cambios no resto.

En boa parte do interior peninsular haberá xeadas, mais intensas en Pireneos, meseta norte e Sistema Ibérico. O vento será de compoñente leste en Canarias e predominio do compoñente norte no resto do país, tendendo a forte no baixo Ebro, Empordán e Pireneos.