Dúas persoas resultaron feridas nunha colisión entre dous vehículos na LU-113 ao seu paso pola parroquia de Roás, no municipio lucense de Cospeito.

Segundo informou o 112 Galicia, o suceso ocorreu sobre as 11.45 horas deste sábado e foi un particular o que alertou da colisión entre dous coches na que podía haber persoas feridas.

Ata o punto mobilizouse a Garda Civil, os Bombeiros de Vilalba e o personar do Servizo de Urxencias Sanitarias de Galicia-061, que, nun primeiro momento, decidiron mobilizar o helicóptero medicalizado con base en Santiago, pero finalmente descartouse a súa intervención.

As persoas feridas foron evacuadas en ambulancia ao Hospital Universitario Lucus Augusti (HULA).