- Advertisement -
Axentes da Policía Nacional adscritos á comisaría provincial de Lugo identificaron a un home como presunto autor de cinco roubos con forza en garaxes.
Segundo informou o corpo policial, o home realizou cinco roubos en vehículos estacionados en diferentes garaxes da cidade, todos eles durante o último trimestre de 2024.
Tras recompilar e analizar as denuncias dos roubos, os investigadores comprobaron un patrón delituoso que lles levou á identificación do autor.
A Policía Nacional tras identificar o home, que conseguiu roubar nun vehículo material por valor de máis de 4.000 euros, comprobaron que se atopa en prisión por outros feitos.
