Unha colisión frontal entre un turismo e unha ambulancia no municipio lucense de Monterroso saldouse con tres persoas feridas, a condutora do coche e o paciente e o acompañante do vehículo sanitario.

Os feitos sucederon pouco antes das 21.00 horas no quilómetro 134 da estrada N-640. Segundo informou o 112 Galicia, foi o Servizo de Uxencias Sanitarias de Galicia-061 quen alertou á central de emerxencias de que unha das súas ambulancias acababa de sufrir unha colisión contra un coche neste punto.

Con estes datos, os xestores do 112 deron aviso ao GES de Monterroso, que cando chegou ao momento indicou que a condutora do vehículo non podía saír del, xa que as portas non abrían, polo que foi necesario empregar material de excarceración para liberala. Así mesmo, tamén participaron neste operativo axentes da Garda Civil de Tráfico e efectivos de Protección Civil da localidade.