O servizo de orientación laboral do Concello de Lugo atendeu a 300 persoas no último ano, as 59% mulleres, axudando á súa inserción no mercado de traballo.

Así o subliñou o concelleiro de Dinamización Económica, Mauricio Repetto, que detallou que desde a reactivación do servizo, en setembro de 2019, asesoraron a máis de 3.000 persoas desempregadas para realizar entrevistas e itinerarios personalizados de inserción laboral.

“A pesar de non ter as competencias directas neste ámbito, xa que son autonómicas, Espazo Lab é un referente para a orientación laboral no municipio, avalado polo número de persoas que solicita, acoden e demandan este servizo”, explicou o concelleiro.

De todas as persoas atendidas no último ano, segundo explicou, o 59% foron mulleres e os 41% homes. Ademais, o 21% foron persoas menores de 30 anos. En total, realizaron máis de 500 entrevistas e itinerarios personalizados de inserción.