A Garda Civil identificou aos presuntos autores dun atraco perpetrado no interior dun hipercash situado no termo municipal do Corgo, segundo informa.
Os feitos delituosos tiveron lugar no mes de outubro do ano 2021 cando dúas persoas accederon, co rostro cuberto e provistas de armas brancas, ao interior do establecemento. Fixérono ameazando ás empregadas que se atopaban na citada empresa e apoderándose de 1.800 euros do interior das caixas rexistradoras.
No marco da investigación policial, localizouse unha das pezas utilizadas polos atracadores, da que se puido extraer ADN para a identificación dos implicados. Os atracadores atópanse actualmente cumprindo condena en centro penal como autores dunha onda de atracos en entidades bancarias e establecementos comerciais situados nas provincias de Lugo e A Coruña. A operación policial estivo coordinada polo Xulgado de Instrución número 3 de Lugo.
