Os servizos de emerxencias acudiron este luns a extinguir un incendio que se iniciou nun alpendre no municipio lucense de Antas de Ulla. O 112 tivo constancia deste incendio sobre as 14.30 horas. Segundo informou a Garda Civil, que desprazou ata o punto unha patrulla, no interior do alpendre había animais que foron retirados a tempo. Así, tras os labores de extinción de bombeiros e membros do GES, confirmaron que o lume calcinara uns rulos de herba seca no interior do alpendre.