A Garda Civil detivo a tres veciños do municipio lucense de Vilalba acusados de vender pezas de vehículos por Internet que, unha vez abonadas, non eran remitidas aos compradores. Segundo trasladou o Instituto Armado, a investigación iniciouse despois de constatarse vítimas de diferentes localidades da Península.
Así, coa detención destas tres persoas, a Garda Civil considera desarticulada esta banda que se dedicaba ás estafas utilizando métodos de cobro vinculados a liñas telefónicas, cuxos titulares eran persoas alleas á organización delituosa. As persoas detidas e as dilixencias policiais foron remitidas á Autoridade Xudicial.
