- Advertisement -
A exconcelleira do Concello de Lugo Cristina Pérez Herraiz faleceu este sábado a consecuencia dunha enfermidade.
Pérez Herraiz, irmá da exdiputada do PSOE no Congreso Margarita Pérez Herráiz, foi edil pola formación Lugonovo no mandato que transcorreu entre o ano 2015 e 2019. Ese mesmo ano, ocupou a cabeza de lista por En Marea ás eleccións xerais pola provincia de Lugo.
O Concello de Lugo manifestou o seu pesar pola morte da exconcelleira nas súas redes sociais. “Grazas Cristina polo tempo dedicado a facer un Lugo mellor e un forte abrazo a familiares e amigos”, publicou en ‘X’ a conta oficial do consistorio lugués.
