Tres mulleres tiveron que ser atendidas este luns polos servizos sanitarios en Lugo afectadas por gas pementa empregado nunha pelexa entre dúas familias de orixe romanesa.
A liorta tivo lugar ao mediodía no Centro Comercial as Termas e nela víronse implicados varios membros de dúas familias que, segundo confirmaron a Europa Press fontes coñecedoras, manteñen un enfrontamento e xa protagonizaron outras pelexas. Xunto cos adultos atopábanse varios nenos.
Ademais dos berros e golpes, na liorta empregouse un spray de gas pementa, co que foron asperxidas na cara tres mulleres. Tras ser asistidas por persoas que se atopaban no propio centro comercial, o tres foron atendidas posteriormente por persoal sanitario do 061 e trasladadas ao HULA para valorar o seu estado.
Ata o lugar desprazáronse varias patrullas de Policía Nacional apoiados por axentes de Policía Local.
