A Deputación de Lugo xera un retorno económico de ao redor de 500.000 euros no sector turístico mediante o programa de viaxes gratuítas ‘Coñece a túa provincia’, desde a súa posta en marcha en 2021. Segundo informou o goberno provincial, e esta acción participaron en total 358 colectivos e case 8.000 persoas, que viaxaron polas diferentes comarcas.

O obxectivo é fomentar o coñecemento dos recursos patrimoniais lucenses entre os propios veciños e ao mesmo tempo dinamizar a actividade do turismo, a hostalaría e o comercio. A a deputada de Réxime Interior, Promoción do Territorio e Turismo, Pilar García Porto, cualificou o programa como “un éxito” e remarcou que contribúe dunha forma “moi importante” a difundi o “enorme patrimonio cultural e paisaxístico” da provincia e que xera riqueza dinamizando o turismo, a hostalaría e o comercio.