A subdelegada do Goberno en Lugo, Isabel Rodríguez, participou este luns na presentación do programa ‘Ciencia á feira’, co que o Campus Terra da USC en Lugolevará a divulgación científica a través de charlas e talleres a distintos municipios da provincia. Durante o acto, Rodríguez puxo en valor o “intenso apoio” do Goberno central ao Campus Terra da USC, que se concreta, entre outras cuestións, nunha achega de 13.000 euros para este proxecto

Ademais, aplaudiu a súa intención de achegar a “información científica a todos os sectores, estean máis ou menos familiarizados con este tipo de ensinos, universalizando e permitindo que todo o mundo teña acceso a ela”. O proxecto consiste nunha serie de charlas e talleres que se van a realizar nos concellos de Burela, Muras, Mondoñedo, Friol, Navia de Suarna, O Incio, Pobra do Brollón e Sober, coa intención de achegar temas de interese científico a puntos afastados da Universidade.

Entre os asuntos que se van a desenvolver están ‘Enfermidades transmitidas por garrapatas’,‘Xestión sustentable da auga’ e ‘Propagación vexetal e as súas implicacións’. A forma de realizar as actividades é a través de postos e repartindo material didáctico sobre o tema, así como talleres en locais habilitados polos concellos.