Axentes da Garda Civil detiveron a tres veciños de Vilalba, de 34, 35 e 60 anos, por retención ilegal dunha menor de idade.
Os feitos ocorreron o 3 de setembro, cando a vítima paseaba polas inmediacións do campo da feira, a finais das festas de San Ramón, cando dous homes e unha muller a introduciron no interior dun furgón.
Posteriormente, aproveitando un descoido, a vítima conseguiu abrir a porta traseira e fuxir do vehículo, tras o que avisou aos seus familiares. As persoas detidas foron postas a disposición xudicial.
DELITO DE FURTO
A Garda Civil detivo na localidade de Ribadeo a un veciño da Coruña, de 20 anos, como suposto autor dos delitos de furto dun vehículo a motor e outro contra a seguridade viaria ao non obter nunca permiso ou licenza.
