Os ocupantes dun vehículo que viñan de cometer varios roubos este luns no municipio lucense de Vilalba sufriron un accidente na rotonda de acceso á A-8, na parroquia de Mourence.
Fontes consultadas por Europa Press confirmaron que este grupo de persoas fuxían de cometer varios atracos na localidade chairega cando acabaron chocando contra a rotonda.
O accidente produciuse sobre as 15,00 horas e no turismo viaxaban cinco persoas, segundo indicou o 112 Galicia. Varios particulares non implicados alertaron á central de emerxencias dun vehículo accidentado na rotonda da estrada LU-118 que dá acceso á autovía A-8.
Con esta información, o 112 deu aviso aos servizos sanitarios, aos Bombeiros de Vilalba, á Garda Civil de Tráfico, á Policía Local, a Protección Civil e ao servizo de mantemento de estradas.
