A Confederación Hidrográfica do Cantábrico iniciou os traballos de mantemento e conservación na canle do río de Freixo nas zonas rurais entre Airexa e Freixo, segundo informa.
As actuacións contan cun orzamento inicial de 24.000 euros e execútanse nun tramo 1.750 metros de canle co propósito de retirar árbores caídas ou en risco de caída e adecuar a vexetación da ribeira, co obxectivo de evitar a formación de tapóns e manter a capacidade de desaugadoiro da canle.
Estes traballos efectúanse a través da empresa pública Tragsa dentro do programa de mantemento e conservación de canles que desenvolve a Confederación Hidrográfica do Cantábrico fóra das zonas urbanas, nas que os labores de conservación e mantemento de canles son competencia dos concellos.
