A Garda Civil investiga a seis novos por realizar conducións temerarias de motos e quads en diferentes sitios da provincia de Lugo. Así, subían a redes sociais vídeos deles facendo derrapes, invasións do carril contrario, caballitos e diferentes manobras acrobáticas como conducir de pé ou sen usar as mans.
A operación ‘Wheelie’ saldouse con seis investigados, de entre 20 e 31 anos, veciños de Lugo e Lalín (Pontevedra). En total, detectáronse 21 conducións temerarias, maioritariamente en rúas e estradas a capital lucense, Guntín, Portomarín, O Páramo e Friol. As dilixencias lévaas o Xulgado de 1ª Instancia de Lugo. Ante a gravidade dos feitos, procedeuse ao comiso de catro motocicletas.
“Ditas conducións realizábanse estando inmersos na circulación, contraviniendo as máis elementais normas de seguridade e coincidindo na zona non só con outros vehículos, senón tamén con usuarios vulnerables como ciclistas e peóns, chegando algún destes a recriminar as manobras efectuadas, con evidente risco de sufrir un accidente con consecuencias fatais”, informa a Garda Civil. O Código Penal establece que para este tipo de delitos nos cales se pon de manifesto o desprezo pola vida fíxense penas de cárcere entre os dous e o cinco anos.
