InicioEconomíaConde sinala que Feijóo aposta por unha economía "co talento, a innovación...

Conde sinala que Feijóo aposta por unha economía “co talento, a innovación e o coñecemento” como base

A cabeza de lista do PP ao Congreso pola provincia de Lugo destacou nunha visita ás instalacións da empresa Bioflytech, aínda en fase de posta a punto, en Palas de Rei, dedicada á cría de larvas de mosca para a fabricación de fariñas, que o PP aposta polo "crecemento sustentable".

PUBLICADA O

- Advertisement -

cabeza de lista do PP ao Congreso pola provincia de Lugo, Francisco Conde, destacou nunha visita ás instalacións da empresa Bioflytech, aínda en fase de posta a punto, en Palas de Rei, adicada á cría de larvas de mosca para a fabricación de fariñas, que un dos obxectivos de Alberto Núñez Feijóo é “impulsar unha economía baseada no talento, na innovación e o coñecemento“.

Desde alí, Conde explicou que o PP pretende impulsar “un crecemento sustentable” e un dos alicerces para conseguilo é o “apoio á innovación e o coñecemento”.

Nesta liña, lembrou que os populares defenden a substitución do réxime de licenza polo de declaración responsable, a ampliación do silencio positivo como regula por defecto na relación coa Administración, fomentar o crecemento do tamaño das empresas, elevar o investimento en I+D+i e atraer máis capital estranxeiro.

Así, o candidato popular puxo como aval dos compromisos que adquire Feijóo en materia económica o traballo desenvolvido pola Xunta de Galicia baixo a súa presidencia, “cun compromiso firme co desenvolvemento sustentable, para avanzar cara á economía circular“.

Ademais, Francisco Conde destacou que se Feijóo é o próximo presidente de España, o Goberno adoptará as medidas necesarias para aproveitar con eficacia os fondos europeos, mediante unha “cogobernanza real” coas comunidades e cos axentes socioeconómicos.

ÚLTIMAS

Ofertan 100 prazas para labores de panadaría nunha compañía do sector da alimentación de Lugo

Adecco publicou este mércores unha oferta de emprego de 100 prazas para labores de panadaría nunha compañía...

Dous cabalos soltos en pleno centro de Lugo

A Policía Local de Lugo informou de que, o pasado 28 de marzo, localizou na Avenida...

Ferido un neno despois de ser atropelado en Baralla ao baixar do autobús escolar

Un neno resultou ferido este xoves ao sufrir un atropelo en Baralla. Segundo informou...

Anunciado o traspaso das parcelas para a nova Comisaría de Policía Nacional en Lugo

O delegado do Goberno en Galicia, Pedro Blanco, e o alcalde de Lugo, Miguel...