A Garda Civil investigou a tres persoas como supostos autores materiais dun incendio forestal que afectou a monte raso na contorna da cova Eirós, en Triacastela, o día 11 de abril, e que se orixinou por unha imprudencia grave.
En concreto, segundo informa o Instituto Armado, este tres individuos fixeron uso dun facho para acceder á cova, o que supón un incumprimento da lexislación autonómica porque en dita contorna existía risco extremo de incendio forestal, de máis do 81 por cento.
Por tanto, estaría prohibido fóra da época de perigo alto de incendios o acceder, circular e permanecer na zona, máis aínda o emprego de lume nas áreas que non están habilitadas para tal fin.
O incendio produciuse na zona de afección do ben de interese cultural (BIC) denominada cova Eirós. De feito, o acceso ao interior da mesma estaba limitado unicamente para investigadores, especialistas e persoal de actividades relacionados coa súa xestión.
Durante a investigación, os axentes contaron coa colaboración do Distrito Forestal IX da Xunta e as dilixencias son remitidas ao Xulgado de Primeira Instancia e Instrución de Becerreá.
