A Garda Civil investiga a un home de 48 anos de idade e a un menor na localidade lucense de Vilalba como presuntos autores de tres delitos de roubo con forza tras romper os portelos de vehículos estacionados en garaxes comunitarios para subtraer móbiles do seu interior.
Tal e como informou a Benemérita, os feitos tiveron lugar no mes de decembro, cando os supostos autores fracturaron os portelos dos coches e accederon ao interior dos mesmo co obxectivo de roubar os efectos que alí se atopaban.
En concreto acúsaselles de roubar uns 60 euros en metálico, documentación persoal e catro teléfonos móbiles. A valoración dos danos efectuados ascende a uns 2.000 euros. Por iso, as dúas persoas foron detidas e postas a disposición xudicial.
DETIDOS EN MEIRA POR COMPRAR UN MÓBIL CO DNI DOUTRA PERSOA
A Garda Civil detivo tamén en Meira a dúas persoas, unha delas menor, por supostamente roubar un DNI e comprar un teléfono móbil de gama alta a nome doutra muller.
Tal como informou a Benemérita, os feitos denunciáronse o pasado mes de xaneiro, cando unha veciña de Ribeira de Piquín observou que lle aumentou a tarifa na factura telefónica, decatándose de que se deu de alta unha nova liña de teléfono sen o seu coñecemento e adquiriuse un terminal valorado en máis de 1.000 euros.
Tras investigar o caso, púidose constatar que as autoras utilizaran o DNI da denunciante para dar de alta a liña e para comprar o móbil, o cal foi entregado nun domicilio de Meira, tras mostrar o referido documento, facéndose pasar pola denunciante.
Por iso, foron detidas e investigadas por un delito de estafa e de falsidade documental. Xa foron postas a disposición xudicial. Dáse a circunstancia de que á denunciante subtraéranlle a carteira co referido documento facía dous anos.
