O Xulgado do Penal nº1 de Lugo acolle este xoves, 19 de xaneiro, ás 09,30 horas, un xuízo a un home acusado dun delito de corrupción de menores e outro continuado contra a indemnidad sexual dunha menor de 16 anos. A Fiscalía pide para el tres anos e medio de prisión.
Segundo o escrito de acusación, os feitos coñecéronse por mor dunha investigación sobre delitos contra a liberdade sexual en 2016, cando Xulgado de Instrución nº 2 de Lugo autorizou o rexistro do domicilio do acusado, onde encontraron diversas probas gráficas do suposto delito.
Rexistrouse tamén a empresa de electrodomésticos propiedade do acusado, onde tamén se interviñeron diferentes probas, segundo apunta o Ministerio Fiscal.
Ao mesmo tempo, sinalan, entre agosto e novembro de 2015 o acusado utilizou unha aplicación de mensaxería instantánea ara contactar coa menor e intercambiar material de carácter sexual.
O escrito recolle ademais que, por sentenza do 30 de xaneiro de 2018 da Sección Segunda da Audiencia Provincial de Lugo, o acusado foi condenado por un delito continuado de agresión sexual a menor de 16 anos, con prevalemento de parentesco e superioridade, dous delitos de agresión sexual a menor de 16 anos, tamén con prevalimiento de superioridade e un delito de violencia psíquica no ámbito familiar.
PENAS
Por todo iso, a Fiscalía pide, polo delito de corrupción de menores, unha pena dun ano de prisión e liberdade vixiada durante dous anos con obrigación de participar en programas de educación sexual.
Polo delito continuado contra a indemnidad sexual de menor de 16 anos, solicitan unha pena de dous anos e seis meses de prisión, así como a prohibición de aproximarse á menor e comunicarse coa mesma durante catro anos. Tamén a medida de liberdade vixiada durante dous anos con obrigación de participar en programas de educación sexual.
Ademais do pago das costas procesuais, a Fiscalía solicita a apertura dunha peza separada de responsabilidade civil e pide que o acusado preste fianza “en contía suficiente para asegurar as responsabilidades pecuniarias que, en definitiva, poidan declararse procedentes”.
