O proxecto de renovación da estrada provincial LU-P-1809 que comunica os municipios lugueses de Chantada e Antas de Ulla por Taboada dos Freires inclúe actuacións en máis de 20 quilómetros dos case 25 que ten.
Así, o presidente da Deputación de Lugo, José Tomé Roca, supervisou as obras, que contan cun investimento que supera os 150.000 euros.
Os traballos consisten na reapertura de cunetas, saneamento da chaira e do firme nas zonas onde existe un blandón, así como a reparación de fochas e afundimentos da vía.
Tomé comprobou os avances da empresa adxudicataria, Construciones Leonardo Miguélez SL, que ten un prazo de execución de tres meses para estas obras. Desta forma, remarcou a importancia desta actuación que beneficiará de maneira directa “a moitos veciños” da comarca da Ulloa e Taboada que transitan a diario pola vía.
“A mellora das comunicacións é unha prioridade para o goberno provincial”, sinalou. “Defendemos a mobilidade como un dereito básico dos veciños da provincia porque cremos que unha boa rede de estradas é fundamental para o equilibrio territorial e para o desenvolvemento do rural, porque axuda a fixar poboación a achegar servizos”, sentenciou Tomei.
