Axentes da Policía Local de Lugo detiveron a un home sobre o que pesaba unha requisitoria xudicial, e que foi identificado por estar a causar molestias e alterando a orde nun establecemento da cidade.

Os feitos ocorreron na mañá deste luns, cando o 092 recibiu un aviso sobre a presenza dunha persoa que estaba a causar molestias nun establecemento da rúa Río Navia.

Os axentes que se trasladaron ao lugar identificaron o sospeitoso, un home de 49 anos de idade. Ao comprobar os seus datos, verificaron que sobre el pesaba unha requisitoria xudicial de procura e detención por tráfico de drogas.

Por estes feitos, o home foi detido e trasladado a dependencias policiais, e incoáronse dilixencias para polo a disposición da autoridade xudicial.