- Advertisement -
A Policía Local de Lugo interceptou este pasado fin de semana a un condutor que circulaba sen carné e sen seguro do vehículo e que, ademais, deu positivo no test de drogas.
En concreto, unha patrulla da Unidade Territorial de Policía de Barrio deulle o alto sobre as 21,30 horas do pasado sábado na Avenida dos Deportes.
Tras entrevistarse co condutor, comprobaron que circulaba sen seguro obrigatorio e que o home non tiña permiso de conducir. Ademais, foi sometido a un test de drogas, que deu positivo por THC.
Durante o fin de semana, a Policía Local de Lugo realizou así mesmo distintos operativos de control de alcol ao volante. Neles, detectáronse cinco condutores con taxas de alcol superiores ás legalmente establecidas.
